Instituti Shqiptar për Studime Ndërkombëtare (AIIS) është i nderuar dhe i lumtur të njoftojë se është zgjedhur si partner institucional nga Shqipëria në Forumin Publik të NATO-s 2024, konferenca kryesore publike në Samitin e NATO-s në Washington DC më 10-11 korrik 2024. Këtë vit, Divizioni i Diplomacisë Publike të NATO-s po organizon ngjarjen në bashkëpunim me Qeverinë e Shteteve të Bashkuara, Këshillin Atlantik, Qendrën për Sigurinë e Amerikës së Re, Fondacionin Marshall Gjerman të Shteteve të Bashkuara, GLOBSEC dhe Institutin Hudson.
Partneriteti Institucional është një status i privilegjuar që NATO PDD ofron për një grup të zgjedhur organizatash në njohje të rolit të rëndësishëm që ata luajnë në diskutimet për sigurinë transatlantike në vendin e tyre.
Instituti Shqiptar për Studime Ndërkombëtare do të jetë organizata ekskluzive që do të përfaqësojë dhe do të përforcojë Forumin Publik të NATO-s në Shqipëri nëpërmjet kanaleve të komunikimit publik.
AIIS do të jetë zyrtarisht prezent në diskutimet kyçe që do të ndodhin në Washington DC dhe do të formojnë të ardhmen e Aleancës.
AIIS është i interesuar për të dhënë kontributin e tij për tu siguruar që mesazhet nga Forumi Publik të arrijnë një audiencë sa më të gjerë.
AIIS me ekspertizën dhe angazhimin e tij si dhe përmes projekteve të ndryshme ka qenë instrumental në përgatitjen e Shqipërisë, në nivel shteti dhe atë shoqëror, për anëtarësimin në Aleancë. Pas kësaj, AIIS ka qenë një partner i besueshëm për Divizionin për Diplomacinë Publike të NATO-s dhe strukturat e tjera brenda Aleancës për dy dekada, duke zbatuar projekte të suksesshme në Shqipëri dhe rajon që kanë rritur njohuritë, informacionin dhe angazhimin me NATO-n në mesin e aktorëve të rëndësishëm si vendimmarrësit, ekspertët e politikës, profesionistët e rinj, hulumtuesit dhe studentët.
Këtë vit, AIIS shënoi 15-vjetorin e anëtarësimit të Shqipërisë në NATO së bashku me 75-vjetorin e vet të NATO-s në një konferencë ndërkombëtare të nivelit të lartë me pjesëmarrjen e Kryeministrit Edi Rama, Zëvendësambasadorit të Shteteve të Bashkuara në Shqipëri David Wisner si dhe Zëvendëskryetarit të MSC-së, Ambasadorit Rainer Rudolph.
AIIS është një nga institutet kryesore në Shqipëri në hulumtimet e çështjeve të sigurisë dhe vitin e kaluar u bë Anëtar i Asociuar i Kolegjit Evropian të Mbrojtjes dhe Sigurisë (ESDC). AIIS është vlerësuar në nivel rajonal dhe global për vite radhazi si një nga institutet më të mira hulumtuese në fushat e politikës së jashtme si dhe të studimeve për sigurinë dhe mbrojtjen nga Universiteti i Pensilvanisë.
